اليك 8 مواقع تتعرف منها على فعاليات مميزة تحدث من حولك

اليك 8 مواقع تتعرف منها على فعاليات مميزة تحدث من حولك

هل تأملت حياتك يوماً؟ تستيقظ في الصباح الباكر للذهاب إلى عملك أو دراستك، تقضى قرابة العشر ساعات أو أكثر، ثم تعود إلى أسرتك مُنهك القوى لا تقوى على فعل شىء؛ فتجد موعد النوم قد حان و تدور الدائرة كل يوم على ذلك!

ماذا عن جوانب أخرى في حياتك؟ عن استكشاف العالم من حولك والتعرُّض إلى معارف وعلوم جديدة؟ لم لا تخرج من تلك الدائرة المغلقة؟ والعالم من حولك واسع وملىء بالأحداث والفعاليات التى ستُثري حياتك بأشياء غير تقليدية!

إذا فكّرت أن تكتسب خبرات جديدة عليك، أو تشغل وقت فراغك بهواية تحبها، أو تتعلم شيئاً مختلفاً.. هذا الموضوع سيفتح لك أبواباً تدخل منها، ولم تكن تعرف -ربما- من قبل أنها موجودة حولك.

هناك العديد من مواقع الويب اليوم مُتعارف عليها بـ "أدلة الفعاليات" Events Directories أو "الشبكات الاجتماعية للفعاليات" Events Social Networks، وهي بمثابة خدمة على الويب تعرض لك "الأحداث" و"الفعاليات" التي تتم في محيطك الجغرافي، وتزودك بمعلومات عنها (مكان الفعالية، زمانها، وتفاصيل عنها).. بحيث تستطيع أن تعرف من خلالها إذا كان سينعقد بنهاية هذا الإسبوع ورشة عمل عن "التصوير الفوتوغرافي" مثلاً، أو ندوة أو نقاش مفتوح حول موضوعات تهمك حول "الرعاية الصحية للأطفال"، أو دورة تدريبية عن "الإسعافات الأولية"، أو مؤتمر صناعي أو تجاري أو علمي في مجال عملك أو تخصصك الدراسي.

يمكننا تقسيم مواقع/ أدلة الفعاليات على الويب إلى 3 أنواع..

1. أدلة متخصصة في مجال أو اختصاص معين: فبعض المواقع يكون متخصص في عرض مواعيد ومعلومات عن مجال معين (كالفعاليات "العلمية" فقط على سبيل المثال، كدليل فعاليات ناتشير ساينس.
2. أدلة متخصصة في نوع معين من الفعاليات: كأن يكون الموقع متخصص في عرض "المؤتمرات" فقط، ولكن مؤتمرات في مختلف المجالات، مثل موقع وول كونفرينسيز.
3. أدلة عامة تشمل أغلب "أنواع الفعاليات" (من حيث هي: ورش عمل – دورات تعليمية – مؤتمرات... إلخ) وتغطي "مجالات وتخصصات" متنوعة (مثل: الزراعة – الطب – الفن – ريادة الأعمال... إلخ).

وبالتأكيد أن هذه الأدلة إما أن تكون عالمية، تجلب لك فعاليات من مختلف بلدان العالم "تكون بلدك من ضمنهم بالتأكيد"، وتعتمد على الناس في طرح تلك الأحداث والفعاليات بأنفسهم من خلالها. أو أن تكون محلية، "مقتصرة على عرض الفعاليات داخل بلد معين"، إما تعتمد على الناس في جمع الفعاليات أو يجمعها فريق عمل الموقع.

من خلال هذا الموضوع سنعرض لكم مجموعة متنوعة من بين أفضل المواقع "العالمية" و"المحلية"، "المتخصصة" و"العامة" التي عرض عليك الفعاليات، وتُعرِّفَك بالجديد والمميز الذي يحدث من حولك.

1. "إيفينت برايت": http://www.eventbrite.com/

يعرض لك الفعاليات على مختلف أنواعها (ورش عمل – مؤتمرات – حفلات...)، وفي مجالات عدة، حول: الأعمال، الحياة الاجتماعية، الترفيه، التعليم.. وغيرهم.

• من أماكن مختلفة حول العالم.
• استخدم زر Discover أعلى الموقع لتبدأ استكشاف الفعاليات بدون تسجيل، كما يمكنك استخدام محرك البحث الخاص بالموقع لتبحث بكلمات معينة عن حدث بعينه، أو اهتمام معين لك، أو تبحث بإسم المنطقة عن الفعاليات المقامة فيها.
• إمكانية إضافة فعالية خاصة بك، من Create Event، ويمكنك كذلك بيع التذاكر من خلاله Online (إذا كانت فعالياتك مدفوعة الثمن مقدماً).
• يأخذ "إيفينت برايت" مفهوم شبكات التواصل الاجتماعي بعض الشيئ، حيث يُمكّنك من عمل ملف شخصي خاص بك، لتكوين شبكة أصدقاء من خلاله بحيث تدعوهم للفعاليات ويدعونك لفعالياتهم، وتدير من خلال حسابك كل فعالياتك ومدفوعات قيمة التذاكر.. إلخ.
• يوفر نظام "Referrals" للربح مقابل قيامك بالدعاية للموقع.. استكشفه هنا:
• https://www.eventbrite.com/referrals
• متاح تطبيق App. للهواتف الذكية والأجهزة اللوحية Tablets.
• الموقع متوفر باللغة الإنجليزية فقط.

2. "إيفينتوس": http://eventtus.com/

يعرض لك كافة أنواع الفعاليات/ الأحداث، في مختلف المجالات، منها: التكنولوجيا, ريادة الأعمال، الفن، وغيرها.

• استخدم زر Discover events أعلى الموقع لتبدأ استكشاف الفعاليات بدون تسجيل، وفلترة الفعاليات من القائمة الجانبية التي تتضمن Trending و My Interests.
• يمكنك استخدام محرك البحث الخاص به للبحث بكلمات معينة عن حدث بعينه، أو اهتمام معين لك، أو البحث بإسم المنطقة عن الفعاليات المقامة فيها. كما بإمكانك فلترة الفعاليات من القائمة الجانبية.
• محلي، فعاليات من مصر والإمارات وبعض البلاد االعربية.
• يأخذ "إيفينتوس" مفهوم شبكات التواصل الاجتماعي، حيث يُمكّنك من عمل ملف شخصي خاص بك، لتدعو أصدقائك لمتابعة حسابك وأنشطتك على الموقع، أو تُنشيء صفحة خاصة بمشروعك وتدعوا الناس لمعرفة فعاليات المشروع بسهولة.. كما تحدد فيه اهتماماتك الشخصية، بحيث يرشح لك "إيفينتوس" الفعاليات المناسبة لك أول بأول على الصفحة الرئيسية.
• إمكانية إضافة فعالية خاصة بك، عن طريق زر Create event.
• متاح تطبيق App. للهواتف الذكية والأجهزة اللوحية.
• الموقع باللغة الإنجليزية، ولكن كثير من الفعاليات عليه مكتوب محتواها بالعربية.
  
  

3. "إيفينتفول": http://eventful.com/

يرصد الفعاليات الترفيهية والاجتماعية بالتحديد، ويمكنك التنقل بين أكثر من 20 نوع من الفعاليات الترفيهية: (حفلات – أفلام – موسيقى -مسرح.. برامج الأسرة والأطفال، وغيرها)

• من أماكن مختلفة حول العالم.
• استخدام "محرك البحث" أعلى الموقع لتحديد الموقع الجغرافي الذ تود معرفة الفعاليات المنعقدة فيها، والبحث بنوع الفعالية التي ترغب في حضورها.
• إمكانية إضافة فعالية خاصة بك، لتكون متاحة أمام زوار "إيفينتفول"، من الضغط على زر Add Event أعلى الموقع يميناً.
• متاح تطبيق للهواتف الذكية والأجهزة اللوحية، على هذا الرابط: (http://eventful.com/mobileapp)
• الموقع باللغة الإنجليزية.

4. "إيجيبت آي تي إيفينتس": http://www.egyptitevents.com/

متخصص في رصد الفعاليات المتعلقة بالتقنية وتكنولوجيا المعلومات: (من مؤتمرات، مسابقات، ورش عمل وبرامج تعليمية وتدريبات عملية)

• محلي (فعاليات من مصر).
• الموقع باللغة الإنجليزية، ولكن أغلب محتواه مكتوب بالعربية.

5. "في البلد": http://www.filbalad.com/

يقدم لك أجندة بالأحداث الترفيهية: (حفلات – أفلام – موسيقى – مسرح - أطفال)، كما يعرض لك قائمة بأماكن أخرى ربما تذهب إليها: كافيهات، مطاعم، مأكولات سريعة، مراكز التسوق، أماكن للمناسبات.

• محلي، فعاليات من مصر.
• استخدم محرك البحث أعلى الموقع. لاستخدام البحث المتقدم (لتنقية / فلترة النتائج حسب مكان الفعالية "في أي مدينة؟" ونوع الفعالية وتاريخ حدوثها).. بعد الدخول إلى صفحة "أحداث"، عند الشريط العرضي المكتوب بداخله كلمة "الأحداث" ستجد أمامها ثلاثة مربعات ملونة، بالضغط على تلك المربعات سيظهر لك محرك البحث المتقدم.
• يمكنك من خلال النتيجة Calendar اختيار اليوم الذى تود عرض الأحداث المقامة فيه، ليعرض لك بسهولة جميع تفاصيلها (نوع الحدث، المكان، الميعاد، المدة، سعر التذكرة، العنوان والتليفون).
• الموقع باللغتين العربية والإنجليزية.

6. "فيسبوك إيفينتس":

 https://www.facebook.com/events

من الأدوات التي ستساعدك على معرفة فعاليات مُنعقدة حولك وتلتقي مع اهتماماتك، إذا كنت من مستخدمي الفيسبوك، يمكنك الدخول إلى صفحة الفعاليات events، ستجد ثلاث تقسيمات للفعاليات: الفعاليات التي نويت أنت حضورها "Upcoming Events"، وفعاليات سيحضرها أصدقائك، ربما تكون مهتم فيها "Events Popular In Your Network"، وفعاليات أخرى ربما تهمك، يتم ترشيحها لك على حسب قربها منك مكاناً. "Popular Events Nearby"، يمكنك استكشاف صفحة الفعاليات هذه بشكل دوري.

7. "أوول إيفينتس إن سيتي": http://allevents.in/

من خلاله يمكنك الإطلاع على مختلف أنواع الفعاليات في مختلف المجالات: (الأعمال التجارية، الفن، الرياضة.. وغيرهم).

• من أماكن مختلفة حول العالم.
• يوجد "محرك بحث" أعلى الصفحة الرئيسية يميناً للبحث عن نشاط أو فعالية بعينها، كما يوجد "بحث بأسماء المدن". اكتب اسم مدينتك التي تقيم بها (في منتصف الصفحة الرئيسية) أو يمكنه تحديد موقعك الجغرافي بالظبط ليعرض لك كافة الأحداث المقامة فى محيطك.
• بعد الوصول لصفحة الفعاليات في مدينتك، يعرض لك أيام الشهر على شكل مسطرة أفقية، بمجرد الوقوف على اليوم تظهر لك كافة الأحداث التي ستُقام في ذلك اليوم.
• إمكانية إضافة فعالية خاصة بك، من خلال زر Create event.
• متاح تطبيق للهواتف الذكية والأجهزة اللوحية.
• الموقع باللغة الإنجليزية، وقد تجد المحتوى الخاص بالفعاليات المحلية بلغة بلدك.

8. "تِن تايمز": http://10times.com/

متخصص في تعريفك على كل ما يتعلق بالمعارض التجارية، والمؤتمرات الصناعية والعلمية، في كل المجالات والتخصصات.

من أماكن مختلفة حول العالم.

• باستخدام "محرك البحث" الخاص به، أو الضغط على أي من Trade Shows أو Conferences تستطيع استكشاف المعارض والمؤتمرات في بلدك.
• إمكانية إضافة فعالية خاصة بك، من خلال زر Add event.
• متاح تطبيق للهواتف الذكية والأجهزة اللوحية.
• الموقع باللغة الإنجليزية.

عُمر الإنسان لا يُحسب بعدد السنوات التى قضاها ولكن بحجم المعرفه والخبره التى اكتسبها فى حياته. "فلا تكون كهلاً فى العمر صغيراً فى المعرفه، بل كن شاباً فى العمر كهلاً فى الخبرة".. تحرّك كثيراً؛ واكتشف شخصاً جديداً قابعاً بداخلك من خلال التعرُّض لأشياء جديدة وغريبه عليك.

المصدر

شاهد أيضا :

http://mts219.blogspot.com.eg/2016/01/FreeLancer.html

http://mts219.blogspot.com.eg/2016/01/online-arabic-audio-books-and-libraries.html

Unknown

4:00:00 م

اقرأ المزيد

إزاي تستفيد من الإنترنت في الوصول للوظيفه اللي نفسك فيها؟

إزاي تستفيد من الإنترنت في الوصول للوظيفه اللي نفسك فيها؟

اتكلمنا فى موضوع قبل كدا عن How To Write Professional Email وإزاي نتعرض لأكبر كم من الوظائف اللي تناسبنا، تعالوا انهارده نتعرف على أدوات وطرق تانيه في التعبير عن مهاراتنا والبحث بدقة أكبر عشان نوصل لنتايج أفضل.  

jobs

- البحث بكلمات مفتاحيه عن الوظيفه المطلوبه :

Keywords

في العادي بيكون “البحث اونلاين” هو أسهل وأسرع وسيلة نستخدمها لما بندوّر على وظيفة، عشان كده محتاجين نطوّر مهارات البحث على الإنترنت عندنا، خصوصاً إن حاجات بسيطة ممكن تفرق معانا كتير! تعالا ناخد المثالين دوول ودرّب نفسك عليهم كويس جداً: 

غالباً وانت بتدور على وظيفة هتحتاج إن البحث بتاعك يتضمن 3 كلمات.. على سبيل المثال (الوظيفة + الموقع الجغرافي + كلمة مفتاحية) 

يعني مثلاً لو انت هتشتغل في مجال “الجودة والمراقبة” ممكن يكون بحثك بالكلمات دي: Quality Control + Egypt + is hiring 

أو لو عاوز تشتغل “مطور برمجيات” لكن في شركة ناشئة مش هتطلب خبرة، هتكتب: Software Engineer + Cairo + Startup 

الكلمة التالتة دي هي “الكلمة المفتاحية” اللي هتتحكم في إن النتائج اللي هتطلعلك -من بين الآف النتائج الموجودة اونلاين- تكون في صفحة شركة ما فيها وظيفة بالفعل؛ فهيكونوا كاتبين is hiring أو is recruiting في عنوان أو وصف الوظيفة. هتحتاج تتعب شويه في التفكير في “كلمات مفتاحي عشان توصل لنتائج مناسبة ليك علاطول.

خدمة التنبيهات :Alerts من الخصائص اللي ممكن تسهل عليك كتير انك تفضل تكرر عملية البحث كل كام يوم عشان تشوف النتائج الجديدة.. إزاي؟ هتستخدم خدمة زي “تنبيهات جوجل” Google Alerts وتكتب في “طلب البحث” (الوظائف اللي انت بتدوّر عليها + كلمات مفتاحية).. تنبيهات جوجل هتعمل البحث ده بشكل أتوماتيكي وتبعتهولك على الإيميل بشكل دوري (حسب اختيارك: عند حدوثها/ مرة يومياً/ مرة إسبوعياً).

jobs online

- البحث عن الشركات المستهدفه ومتابعتها : 

جزء مهم من مرحلة البحث عن عمل وانت بتستخدم الإنترنت انك تتابع بشكل منتظم أخبار الشركات/المؤسسات اللي انت حابب تشتغل معاهم، تتابع صفحاتهم على مواقع التواصل الإجتماعي وتتابع موقعهم الإلكتروني، ساعتها هتكون أول واحد يعرف بالوظائف أو الفرص اللي هتوصلك لو انت مسجل ايميلك في نشرتهم البريدية، أو هتعرفها لو انت عامل لصفحتهم “احصل على التنبيهات” get notified في فيسبوك، أو ضايفهم لقائمة الإهتمامات عندك في تويتر أو لينكدإن.

اتعرّف على الشركات اللي شغالة في مجالك عن طريق البحث في أدلة الأعمال زي Yellow Pages و Search in MENA واستكشف مواقع الإنترنت الخاصة بيهم، وماتنساش تدوّر في قسم الـ careers – Jobs في كل موقع تفتحه.. كمان موقع زي Glassdoor ممكن تعرف منه شكل المقابلات في الشركات الكبيرة والأسئلة اللي بتتسأل فيها وتتعرف على بيئة عمل كل شركة من الداخل.

ملتقيات التوظيف: مهمة عشان تتعرف على الشركات وتتواصل معاها بشكل مباشر. اعمل بحث بـ (Employment Fair + companies Emails) عشان توصل لإيميلات الشركات اللي شاركت في ملتقيات توظيف -حصلت في بلدك قبل كده- وتواصل معاهم. غير كده فيه ملتقيات توظيف إفتراضية “بتتعمل على الإنترنت” تقدر تحضرها وتستفاد منها.. هتلاقي موقع بيت.كوم بينظم ملتقى اونلاين (يشبه اللي بيحصل على أرض الواقع كتير) أول كل سنة، بيجمع شركات في المنطقة العربية:Virtualjobfai.bayt.com.

- شبكات الأعمال المهنيه والتواصل مع الخبراء فى مجالك

شبكات الأعمال الإجتماعية أو الشبكات المهنية على الإنترنت زي Linkedin و Branchout من الأدوات المهم جداً تستخدمها وتكون فعّال عليها، مش بس عشان تلاقي فرصة عمل مناسبة، لكن كمان عشان تبني عليها شبكة علاقات ومعارف في مجال عملك هتفيدك في شغلك ومشاريعك وهتتعرف منها على ناس خبرة في تخصصك من مختلف دول العالم، وهتفضل على تواصل معاهم وتتابع أخبارهم وتتعلموا من بعض.

40% من مستخدمي لينكدإن هم “مديرين”؛ فمن الحاجات اللطيفة اللي ننصحك تعملها عليه بعد ماتكون بنيت شبكة علاقات معقوله.. انك تبعت للناس اللي ليهم خبرة في مجالك وانت عاوز تتعلم منهم، رسالة (ياحبذا لو موجود فيها الـcover letter) تسألهم فيها على فرص تدريب Internship في الشركات اللي هم شغالين فيها، أو تقترح عليهم يستضيفوك لمدة يوم واحد في “يوم ظل الموظف” Job Shadow Day بحيث تتعرف فيه على طبيعة المجال قبل ماتقرر تشتغل فيه.. من بين 5 أو 10 رسائل هتبعتهم هتلاقي فرصة، أو هتستفاد كتير من مجرد ردهم عليك.. جرّبها.

- مجموعات ومواقع التواصل الاجتماعى :

social media

المبادرات الشبابية اللي بتقدم فرص عمل تناسب اهتمامات الشباب أو بتحاول تحل مشكلة البطالة عن طريق عرض الفرص ومشاركتها.. ساعات كتير بيكون عندهم فرص مميزة جداً مش موجودة عند شركات أو مواقع التوظيف الكبيرة، ومش بالضرورة يكونوا عاملين موقع بيجمع الوظائف من الشركات، لكن بيكتفوا بإنهم يقوموا بنفس الدور من خلال مجموعة على فيسبوك أو ياهو، زي “نفسي أشتغل في مجالي“.

فيه فرصة هنا انك تتعرف أكتر على الشخص اللي طرح الوظيفة بنفسه وتقدر تتواصل معاه، غير كده المجموعات دي ممكن تكون بيئة تقدملك نصائح وتساعدك تشتغل في التخصص اللي انت حاببه، عندك YallaWork و Maaan مش بس بيعلنوا عن الفرص المتاحة حواليهم، لكن كمان بيحاولوا يساعدوا بعض ويتعلموا من بعض.

خاصية الجراف سيرش “المكان المخصص للبحث” في فيسبوك تقدر تستخدمها في انك تبحث عن الأشخاص حسب وظيفتهم أو حسب المكان اللي شغالين فيه (اللي هو انت بتفكر تشتغل فيه)؛ فممكن تبحث كده: My friends of friends who work as Project Coordinators هيطلعلك ناس معينه.. يُفضل تعرف اسم الشخص وتبحث عنه وتتواصل معاه على لينكدإن.

وفي محرك البحث الخاص بـتويتر.. جرّب تبحث بأكتر من هاشتاج جنب بعض في مرة واحدة، زي كده: #jobs #Alexandria ابحث بكلمات مختلفة وشوف النتائج اللي هتطلعلك.

على فكرة مش دي بس كل الأدوات أو الطرق اللي ممكن تستخدمها اونلاين عشان تقرّب من فرصة العمل اللي انت متوقعها، 

النت فيه أكتر من كده بكتيير! المهم انت حققت كام في المية من اللي اتكلمنا عنه؟ وعملته بكفاءة قد إيه؟ ممكن طريقة واحدة 

أو أداة من اللي قلناهم تكون سبب في انك توصل لهدفك، المهم تكون محترف في تطبيقها. 

شاهد أيضا : 

How To Write Professional Email

Matrix

Unknown

12:57:00 ص

اقرأ المزيد

Page Rank

Page Rank

Page Rank

ترتيب الصفحة أو ما يعرف بـ "PageRank" يفضل ان يطلق عليه تصنيف بيج لان تلك التسمية راجعة إلى لارى بيج أحد مؤسسى جوجل والذي صمم تلك الخوارزمية التي تعطى ترتيبات ظهور الصفحات في بحث جوجل وشاركة أيضا سيرجى برين المؤسس الاخر للشركة هي نوع من خوارزميات تحليل الروابط التي تقيم وتنسب أوزان مرقمة إلى كل عنصر في مجموعة وصلات الويب الموجودة في الوثيقة أو الملف - كماهو موجود في صفحات الويب - وهي وسيلة لتقيم وقياس أهمية هذه الروابط لبعضها البعض. صمم هذا الخوارزم عن طريق مؤسسي شركة جوجل حينما كانوا طلبة في جامعة ستانفورد. الكلمة ذاتها "PageRank" هي علامة مسجلة لشركة جوجل

البيج رانك هو مقياس يستخدمة جوجل ، وهو يبين قوة المواقع ، وهو عبارة عن ترقيم او تقييم من 0 الى 10 وكلما زاد البيج رانك دل ذلك على قوة موقعك فى محركات البحث وظهور موقعك فى الصفحات الاولى ، وان عملية السيو وخطة التسويق الالكترونى التى تستخدمها ناجحة، ،

ولكن ، البيج رانك كان يأخذ به كمقياس قوى لترتيب نتائج البحث ، ولكنة الان اصبح يساهم فى سرعة ارشفة الموقع فقط، ليس هذا فقط، بل اصبح غير هام بالمرة فى هذه الايام وبعد تحديثات جوجل الاخيرة فى عام 2013، واصبح فقط اداة برستيج لموقعك،

اذا كنت تمتلك موقع ذات بيج رينك عالى وليكن 5 ، حين تنشىء صفحة جديدة فى موقعك فانها لن تأخذ وقت كبير حتى تظهر فى نتائج البحث الاولى ، وسوف تسبق هذه الصفحة صفحات اخرى اقدم منها فى العمر وذلك بسبب ان البيج رانك يعتبر الان مقدار ثقة جوجل فى موقعك وعلى ان الكلمات الرئيسية بموقعك ذات شفافية وتدل بالفعل على ما تحتوية صفحات موقعك.

يقوم جوجل بتغير البيج رانك للمواقع كل 3 شهور تقريبا ، اما ان ترى موقع اخذ بيج رانك عالى حينها او يأخذ بيج رانك اقل

متى يأخذ الموقع بيج رانك أعلى عند التصنيف الجديد ؟

بفرض ان جوجل حدد اليوم ان موقعى ذات بيج رينك 3 مثلا ، وان البيج رينك هذا لن يتغير الا بعد 3 شهور ، خلال تلك الشهور تم تحسين الموقع وزيادة عدد الصفحات ، وزيادة عدد الروابط الداخلية والخارجية ، وزيادة عدد الزوار بالفعل ... الى غير ذلك ، فان من المتوقع ان يحصل موقعك على بيج رينك عالى .

متى يأخذ الموقع بيج رانك اقل ؟

يأخذ موقعك بيج رانك اقل فى التصنيف التالى اذا تم حذف صفحات مهمه كانت تاتى بزوار الى موقعك ، او بتقليل الروابط الداخلية والباك لينكس بدلا من زيادتها

لماذا تأخذ الصفحة الرئيسية فى موقعك بيج رنك اعلى من الصفحات الداخلية ؟

وذلك لان جميع الصفحات الداخلية بها روابط للصفحة الرئيسية

بمعنى انه حين تكون فى اى صفحة داخلية فى موقعك ، فانك تستطيع ان تذهب الى الصفحة الرئيسية بكل بساطة

لذلك يصنفها جوجل على انها صفحة مهمه

وكلما وجدت روابط اخرى لصفحه اخرى بكثرة ، دل ذلك على اهميتها ، ويتم اعطائها بيج رانك عالى

ولكن لابد ان تعلم شىء مهم جدا

وهو ان جوجل مهما اعطت من تصريحات وتوصيات تخص البيج رانك او غيرة فى مجال السيو ، فانها لن تعطى اى من اسرارها او اللوغريتمات التى تستخدمها.

اذا فكر للحظه ؟ لماذا تفعل جوجل كل هذا ؟

بالطبع لتوفير خدمة افضل ونتائج بحث ذات قيمه لمستخدمين الانترنت

اذا

فالحل الامثل للوصول الى صداقة جوجل ومحركات البحث الاخرى ، هى الاهتمام بالزوار فى المقام الاول ، والاهتمام بتصميم الموقع بطريقة سهة للزوار، وليس الاهتمام بمتى سأظهر فى النتائج المتقدمة

اذا قمت بالاهتمام بالمحتوى وما تقوم بتقديمة داخل موقعك ، واذا قمت بتوفير كل ما يتمناه الزائر من سلع او خدمات او معلومات او غيرة ، اذا سوف تصل الى صداقة جوجل بكل بساطة

المصادر : 

https://goo.gl/igs6on

http://goo.gl/L7ilVC

Matrix

Unknown

8:15:00 م

اقرأ المزيد

How To Write Professional Email

How To Write Professional Email

ما اتعلمناش في الجامعة إزاي نكتب إيميل صح! ولما بنتخرّج مابنعرفش نخاطب الشركات أو المؤسسات بطريقة رسمية، سواء لو بندوّر على شغل، أو حتى في المراسلات بين الناس اللي شغاله وبعضها. لو درّبت نفسك على الكلام ده هتلاقيك مع الوقت بتكتب إيميلات احترافية ببساطة، ومن غير ماياخد منك وقت كبير في كتابته.

How To Write Professional Email

أجزاء الإيميل (الـ format)، وإسلوب كتابة الرسالة الإحترافية:

الإيميل الرسمي في الغالب بيتكوّن من 3 أجزاء رئيسية (تحية البداية - نَص الرسالة / الـ Body Text - الخاتمة). بيتكتب باللغة الإنجليزية على الأغلب، أو بتكتبه بلغة الشخص اللي بتراسله (طالما انت متأكد إنه "مش متمكن من الإنجليزية")، أو في بعض الدول العربية زي دول الخليج أغلب مراسلاتهم بتكون باللغة العربية.

1. تحية البداية:

• بتبدأ رسالتك بتحية عامة (زي: إزيك يا فلان، أو عزيزي فلان، أو صباح الخير) ، أتمنى إن كل شيء يكون على مايرام

  Dear Person,
  Hope all is well.
  أو
  Good Morning Mr. Person,
  Hope all is going great!
  أو 
  Greetings from "Organization's name",
  It is our pleasure to reach out you Today.
  

يُفضل تكتب التحية الأولى في سطر، والتانية في سطر.. وطبعاً فيه تحيات خاصة بالمناسبات والأعياد، فحاول تنوّع كل مرة في أسلوب التحية.

• لو بتخاطب شخص لأول مرة، متعرفوش خالص ومتعرفش عنه معلومات. قل له ما معناه "أهلاً فلان" Hello <person-name> (بإسمه طبعاً)
  • لو بتخاطبه لأول مره ويعني تعرفه نص نص، ممكن تقول له "عزيزي فلان" Dear person، يفضل تخاطبه بالعنوان الوظيفي الخاص به Dr. - Eng. - Prof.
  • ولو ماتعرفش تخصصه: لو بتكلم رجل هتسبق إسمه بـ Mr أو لو بنت آنسه Ms ولو تعرف انها مدام يبقى Mrs
• التحية إما إنها تبقى رسمية جداً، (زي: آمل إن كل شيء على مايرام Hope all is well)
  • أو رسمية نص نص، (آمل إن كل أمورك تسير على نحو جيد Hope all is going great with you)
  • أو مش رسمية خالص، (انت عامل إيه؟" How are you doing?)، ودي ممكن تستخدمها مع فريق عملك.

2. نَص الرسالة (الـ Body Text):

بتدخل في صُلب الموضوع اللي بتبعت الرسالة عشانه، وغالبا بتبدأ بجملة خبرية: (زي: أنا عملت كذا.../ نظرا لظروف كذا..../ بخصوص المشروع الفلاني...)

Regarding to our last meeting, this is the meeting minutes notes.
أو زي،،
It was supposed to call you yesterday to confirm our next meeting, but excuse me I faced...

• ٣ فقرات حجم مناسب جداً لرسالتك، ٤ يعني شغال، إنما أكتر من كده هيكون الإيميل ممل وصعب يلاقي اهتمام، (لو قلنا إن الفقرة الواحدة مكونة من سطرين لـ ٣ أسطر).
• مهم جداً إن الفقرة الأولى من رسالتك تكون فاتحة للشهية ومش سلبية. يعني إيه فاتحة للشهية ومش سلبية؟
  فاتحة للشهية يعني تبدأ كلامك بجملة تخلي اللي بيقرأ رسالتك يحس إنه عاوز يكملها للآخر؛ فمثلاً ممكن تتكلم عن الشخص -أو المؤسسة- اللي انت باعت له، تقول له انت تعرفه منين. أو تعبّر عن سعادتك انك بتتواصل معاه لأول مرة، أو تذكر سبب انك بتراسله.. كده.
  ، ومش سلبية يعني حتى لو بتبعت إيميل تلوم فيه شخص إنه أهمل في تأدية مهمة.. لازم الكلام في البداية يخلي الشخص عنده قابلية انه يستقبله ويسمعه، لأن الرسائل السلبية في أول الرسالة بتقفل نفسية المتلقي من الرسالة كلها، وعشان "الكلام المكتوب" بيوصّل٢٠% بس من اللي انت عاوز توصلّه، فبلاش كلامك يتفهم بشكل أسوأ من اللي انت تقصده! فاكتبهم بنِفس حلوة وبإسلوب تحترم فيه اللي بتوجه له رسالتك.
• لو لاقيت كلمة “أنا” متكررة في رسالتك كتير.. حاول تقلل منها، استبدلها بكلمات وضمائر تانيه (مثلاً: "كان من المفترض انه يكون فيه اجتماع مع فلان بالأمس" – بدلا من: "أنا كنت هقابل فلان أمس") عشان لغة الإيميل بتاعك تكون متزنة ومش طاغي فيها "الأنا"، وده بيفرق لو عاوز كلامك يؤخذ على محمل الجد.
• الرموز (زي: & - thnx - ur) غير رسمية بالمرة.. ماتحاولش تكتبها في إيميل مهم، ممكن تكتبها بينك وبين أصحابك عادي، إنما الإيميلات الرسمية فده ممكن يوصّل انطباع عنك إنك شخص غير جاد في شغلك.

3. خاتمة الرسالة:

بتوصّل فيها هدفك الرئيسي من الرسالة باختصار، أو بيتم من خلالها الإتفاق على شيء بعينه.. يعني

• لو عاوز الشخص اللي بتراسله يبعت لك ملف أو يشوف سيرتك الذاتية... (Kindly check my resume in the attachments. Thanks)
  • أو لو المفروض يبعتلك رأيه في حاجة فبتستأذنه يبعتهالك في معاد معين.. (Please, await your feedback by today. Thanks)
  • أو هتتقابلوا، فمحتاج منه يحدد معاد أو مكان للمقابلة.. I am looking forward to meeting you soon. This is my contacts info for further questions..
    المهم تكون المهمة اللي هيعملها الشخص اللي بتبعت له، واضحة.
• ضروري في الطلب تستخدام كلمات زي: من فضلك please ، ورجاءاً kindly، ويفضل تقول الطلب في إسلوب أدبي -غير مباشر- ومختصر.
• في آخر رسالتك خالص بتشكره وتقدمله تحية الختام (زي: تحياتي أو بالتوفيق) (Have a nice day - See you there - All the Best - Best Regards) وتمضي بإسمك في السطر اللي تحتها، مع معلومات التواصل معاك (التليفون - البريد الإلكتروني:

    Kindly check my resume in the attachments. Thanks.

    Best Regards,
    Ahmed Ali
    Freelance Product Designer
    +2043089784 - a.ali@example.com

الشكر والتحية والإمضاء مهمين جداً في آخر رسالتك.

 الموقع دا بيعمل CV احترافيه ومميزه بأقـل الاسعار 

قبل ما تبعت الإيميل:

شوية أمور لازم تاخد بالك منها قبل ماتدوس على زرالإرسال Send وتبعت رسالتك "الإحترافية"

• اتأكد كويس جداً من عنوان رسالتك اللي بتكتبه في خانة الـ subject، اختاره بعناية شديدة، ماتكتبش فيه أي كلمتين والسلام أو تسيبه فاضي! "العنوان" ممكن يخلي الشخص يقرر يفتح رسالتك، أو يأجلها لوقت غير مسمى، أو إنه مايفتحهاش خالص.

فمثلاً، لو بتبعت السيرة الذاتية بتاعتك لشركة أو شخص.. ما تكتفيش بس بكلمات زي my resume أو person's name cv ، إنما ممكن تكتب عنوان رشيق زي:
Hello Mr. Folan, I am interested to join your team
أو بأسلوب جاد أكتر، بس واضح فيه الاهتمام بالوظيفة دي بالتحديد:
Business Developer for netknowlogy | Person's Name Resume

• لو كنت بعتت إيميل لحد قبل كده، وبتعمل له تمرير forward المرة دي لحد تاني.. احذف من عنوان الرسالة كلمةFw:، (اعمل إعادة تسمية لرسالتك لو هتبعتها من جديد)، واحذف من نَص الرسالة التفاصيل الزيادة (واللي بتظهر لما بتيجي تبعته تاني) زي تاريخ الرسالة اللي فاتت وإيميلات الأشخاص اللي بعتت لهم قبل كده.. يعني خلي رسالتك "جديدة" كأنها مبعوته لأول مرة للشخص اللي بتراسله.
• لو فيه روابط خارجية URLs في رسالتك، لا يستحسن انك تاخدها نسخ ولصق Copy-Paste، لكن الأفضل إنك تحوّل الكلمة المكتوبة لرابط.. طب تعمل ده إزاي؟

بعد ما تكتب في رسالتك الكلمة اللي عاوز تحولها لرابط، زي Click here مثلاً.. ظللها -بالـ select-، واضغط ctrl+L هتطلع لك نافذة، تضع فيها الرابط URL بتاعك. بس كده، الكلمة دي بقت رابط لما الشخص هيدوس عليه هيتفتح له الرابط في نافذة مستقلة.

• عشان تبقى فاهم، إيه الفرق في الإيميل بين الخانات التلاتة To – CC – BCC؟
  • To: بتكتب فيها إيميل أكتر شخص انت بتقصده برسالتك، وممكن تكتب أكتر من إيميل لكذا شخص، بتكتب عنوان الإيميل Email Address وبعديه فاصلة ومسافة info@example.com, info2@example.com، وبالطريقة دي تقدر تبعت لعدد من الإيميلات حسب العدد اللي بيسمح بيه مزود خدمة الإيميل اللي بتستخدمه.. بيوصل في الغالب لحد 100 إيميل في الرسالة الواحدة.
  • CC: يعني Carbon Copy "نسخة طبق الأصل".. بتكتب فيها إيميلات الأشخاص "وليكن زمايلك في الشغل" اللي عايزهم يعرفوا انك بعتت الإيميل بتاعك لشخص معين "اللي موجود إيميله في خانة To، وليكن المدير"، ونفس الشخص ده -المدير- يقدر يشوفهم -زمايلك-، ويقدروا كلهم يردوا على نفس الرسالة ويفتحوا محادثة مابينهم.
  • BCC: يعني Blind Carbon Copy "نسخة طبق الأصل عمياء". في الخانة دي بتكتب ايميلات الأشخاص اللي عاوزهم يشوفوا الرسالة "وهيعرفوا انت باعتها لمين تاني"، لكن بقية الناس (اللي في خانة To و CC) مش هيشوفوا الناس اللي اتكتبت إيملاتهم في خانة الـ BCC.
• بالنسبة للملفات المرفقة، خليها منظمة وليها أسماء واضحة. منظمة يعني ماترفعش صور كتير مثلاً، الأحسن انك تجمعهم الصور كلها في ملف واحد مضغوط وترفعه
  ، ولها أسماء واضحة يعني تختار أسامي فيها تفاصيل عن الملف نفسه، بحيث لو أنا بعمل بحث في الإيميل بتاعي.. أوصل بسهولة للملف المقصود اللي انت بعتهولي
  ؛ فمثلاً لو بتبعت سيرتك الذاتية ماتكتبش عنوانها my resume وبس تسيبها على كده! لأ، اكتب اسمك فيها واسم الوظيفة أو الدور اللي هتؤديه، زي:
  Your Name's Resume – Role's Name-Jan2015
  عشان يبقى واضح عنوانها للشخص لما ييجي يحملها ويخزنها على جهازه، يعرف يرجعلها بسهولة ويعرف من اسمها دي بتاعت مين، ويتواصل معاك.
• لو بتبعت ملف تعريفي عن نفسك "cover letter" يفضل تكتبه في نَص الرسالة Body Text نفسه، بدل ما تسيبه فاضى! أو تبقى رسالتك عبارة عن سطر واحد ولا سطرين زي كده! (Hi folan, Please check my resume and cover letter in the attachments. Thanks)
  ، مفيش مانع انك تخلي نسخة من الـ cover letter في المرفقات مع السيرة الذاتية، بس المهم ماتسيبش نَص الرسالة فاضي أو فيه كلمتين بس، لأن ده غير محفز للشخص إنه يهتم بالملف اللي انت باعته، لأنه بيوصّل عنك إنك مش مهتم تنضم للمؤسسة اللي بتبعت لها، انت عمال تبعت لأي مكان وخلاص!
• تجنب الأخطاء الإملائية، والخطأ في قواعد اللغة، أو إهمال علامات الترقيم (الحروف الـ Capital في أول الجُمَل، الفاصلة في وسطها، والنقطة في آخرها... إلخ). مثلاً من الأخطاء الشائعة في قواعد اللغة الإنجليزية وفي الكتابة:
  • إنك تكتب I look forward to hear from you لأن الصح بتاعها هو:
    I look forward to hearing from you
  • إنك تكتب كلام كل حروفه كبيرة CAPITAL بالشكل ده.. ده معناه انك إما بتقول كلام بصوت عالي أو بتزعّق، فبلاش طبعا تستخدم الإسلوب ده في الكتابة، إلا إذا كان فيه كلمة هي "اختصار" لاسم أو اسم عَلَم.

    تقدر تستعين بكتاب بسيط زي 
    "The Elements of Style" 
    عشان تعرف منه الأخطاء الشائعة في الكتابة بالإنجليزية، وإيه الصح بتاعها.. 
    ولو الإنجليزي بتاعك مش قوي مفيش مانع انك تاخده تترجمه وتعدّل فيه على Google / Bing translate لحد ما توصل لأفضل صياغة، أو تستخدم أداة لمراجعة القواعد، زي جرامر تشيك .. هي مش أدوات قوية أوي لكن مع الوقت ممكن تُكسِبَك حصيلة لُغوية ومجموعة ملاحظات في القواعد.

آخر وأهم حاجة..

• راجع إيميلك مرة واتنين وتلاته، سيب نسخة محفوظة draft وروح اعمل المشروب بتاعك، أو اتحرك مدة 5 لـ 10 دقايق، وبعدين تعال شوف الرسالة بتاعتك بعين جديدة ودماغ أنشط، هتلاقي نفسك بتضيف وتعدّل عليها للأحسن، وده بالتأكيد هيخدم تحقيق الهدف من رسالتك.

نصيحــة: اتعب في كتابة الإيميل في الأول واتمرّن عليه، لأن المراسلات بالإيميل دلوقتي مهمة جداً وبتستخدم بقوة، ولو كتابتك احترافية دي بيفرق معاك جداً، وكمان لأن ده هيعلمك تكتب حاجات أعقد من كده في المستقبل (زي كتابة التقارير Reports والملفات التعريفية Proposals لأي مشروع هتشتغل عليه في المستقبل).

المصادر : 

http://www.matrix219.com/cv-design/

http://blog.netknowlogy.net/how-to-write-professional-email/

Unknown

6:39:00 م

اقرأ المزيد